城中鏡：Miki爆與郭永淳明年結婚
尋日Miki楊愛瑾帶同家中愛犬Toffee出席關愛動物活動揭幕禮，現場見Toffee離唔開Miki，未知佢未婚夫、永安集團太子爺郭永淳會唔會呷醋？Miki就話：「唔會，佢哋好friend，其實佢好鍾意大家，我都想養多一隻，但有人話唔好，佢好易呷醋。」追問係咪驚第日要生小朋友，怕冇時間照顧bb？佢話：「bb遲早都會生，但無話因為呢樣而唔養多隻。」
楊愛瑾話未婚夫郭永淳同Toffee好friend，唔會呷醋。
問到婚禮籌備成點？Miki透露已進行中：「都整咗好耐，有好多定案，應該下年舉行婚禮，但好多嘢未落實。想簡單，想只係請屋企人同埋好close嘅朋友，愈簡單愈好，搞得大型好似唔似慶祝，似做嘢。」對於婚後會唔會即刻生bb，佢坦言順其自然：「Toffee可能會呷bb醋，有時候佢見我同小朋友玩，或者抱小朋友玩都會呷醋。Toffee會踩我個肚當咕，所以都幾驚。」
