上水：街市壞電梯 難為公公婆婆
「條電梯整極都未搞掂，我哋後生唔方便都算，難為啲公公婆婆要行咁多樓梯先最重要。」李女士指上水石湖墟街市由地下通往一樓的其中一條電梯已多日未有運作，雖然另一正常運作的電梯已轉為往上方向，惟市民購物後依然需步行數十級樓梯方能離開，「雖然有𨋢搭，但街市咁多人，如果個個都搭𨋢要排到幾時？」
上水石湖墟街市地下通往一樓的電梯因更換零件而暫停運作。
食物環境衞生署發言人證實，七月上旬接獲報告指有關電梯有雜聲，故即時通知機電署緊急維修，並於同日修妥及開放使用，而翌日則為機電署按原訂計劃更換扶手帶及部分老化零件而暫停使用，維修期間已將一樓通往地下的電梯改為上行方向，全部工程已於七月中旬完成。
李女士指理解當局為市民安全需維修電梯，惟亦應加快維修進度以減輕市民不便，「換零件係咪真係要換咁耐？如果真係做唔切，下次不如搵啲工人夜晚加班，咁就唔使停成個星期。」
