元朗：雙黃線違泊 警方少執法
元朗俊賢坊違例泊車情況嚴重，即使道路設立禁區指示牌及劃設雙黃線亦難阻車輛違泊。附近居民胡先生指，車輛違泊以致道路出現嚴重阻塞，不滿警方鮮有執法，「地下有雙黃線，啲車都亂咁泊，有時仲誇張到塞死咗個路口，想出車都出唔到！」
元朗俊賢坊劃有雙黃線，惟仍有大量車輛違泊，造成道路阻塞。
警方發言人表示，元朗分區一向關注區內的車輛違泊問題，並不時檢控違例車輛。根據記錄，警方於過去十二個月，共接獲九十宗涉及俊賢坊的汽車阻塞及違泊投訴，並向有關車輛發出三百二十張定額罰款告票。
「好明顯檢控唔夠阻嚇力，啲違泊問題先冇改善，警方應該要大力打擊，代價大啲人先唔會亂泊！」胡先生要求警方加強檢控違泊車主，確保道路暢通。
