城中鏡:蔡雪瑩出山Sell卡冇難度
依家商業機構搞Function最興搵前新聞小花出嚟做主持,工銀亞洲重新推出佢哋張「ICBC銀聯雙幣白金卡」就搵咗前新聞界紅人Snowy蔡雪瑩做主持,謀殺在場嘅Banker同嘉賓唔少相機、電話記憶體。
蔡雪瑩一口氣讀晒大串信用卡優惠,完全零難度。
Snowy出鏡經驗夠晒豐富,加埋喺安永做過幾個月,金融底子都有,一口氣讀晒大串信用卡優惠,完全零難度。
花,女人鍾意收,男人鍾意圍。好多Banker同嘉賓完咗Function,都要近距離同Snowy傾吓兼獻上卡片,有冇人抄到牌呢?