惜食堂主席、前財政司司長「阿松」梁錦松尋日帶埋三個仔女，一齊出席惜食堂「全『誠』罐膳心」罐頭裝飾設計比賽活動，見佢哋動手畫罐頭招紙時勁熟手，原來佢三個仔女喺屋企都好鍾意畫公仔。
阿松帶齊三個仔女畫罐頭招紙。
五條蟲蟲，代表阿松一家人。
阿松尋日就畫番自己最拿手嘅蟲蟲，仲畫咗五條咁多，佢笑言冇頭髮光脫脫嗰條代表自己，其餘四條梗係代表家人啦！不過，佢透露做親子勞作時都試過失手，明明係要砌家居模型，但就整咗間教堂出嚟喎。
