做咗十幾年黃大仙區議員嘅Joe黎榮浩自爆，如果當年唔係當選區議員，可能會參加奧運會。阿Joe憶述，讀書時做過划艇隊隊長，形容划艇要消耗好多體力，出咗嚟做嘢冇可能再兼顧到，又話屋企供書教學咁多年，當時全職做運動員係無法養家。佢又話自從冇玩划艇多年，體重即刻直線上升，重咗接近四十磅，講笑話依家一坐落艇就會下沉，所以唔可以再玩嘞！

黎榮浩笑言因為肥咗，所以唔再玩划艇。

對於今、明兩年區議會、立法會選舉，阿Joe話唔可以做得耐而鬆懈，特別係佢嘅選區橫頭磡有好多其他黨派議員開設辦事處，做得唔好就好容易令選民流失。當問及該黨立法會九龍東議員陳鑑林預料會退下火線，會否爭取染指九龍東出選，阿Joe就話仍在考慮中，又指依家做立法會，需要花好多時間處理會務以外嘅事宜，如拉布。

第一手消息請下載on.cc東網iPhone/iPad/Android/Windows Phone Apps