本港軍事專家馬鼎盛尋日喺書展舉行書籍講座，佢話早喺舊年底推出嘅新書主要係細說媽媽紅線女嘅真實人生，佢話：「係媽媽過身後嘅一個句號，佢生前要求我幫佢寫傳記，依家盡我所能講述媽媽真實一面畀大家知。」佢續透露呢本書擁有一個不可或缺，從兒子出發嘅書寫角度，仲加入好多「私伙」資料，佢話：「通過我同媽媽幾十年嘅生活，話畀人知道點解佢喺香港嘅事業如日中天，都拋棄繁華，返去中國大陸生活。」

馬鼎盛

佢隨後更引述已故著名填詞人黃霑嘅金句，嚟講述當年返港生活和發展事業嘅原因：「點解自己喺大陸讀完大學都重投香港呢個出生地，由住板間房、做報紙四千元一個月捱起，因為霑叔嘅金句講得好啱『香港係唔會死錯人』，香港係一個寶地，有新聞自由。」

第一手消息請下載on.cc東網iPhone/iPad/Android/Windows Phone Apps