政壇：泛民為尷尬行業發聲

議員陳家洛就話當局要界定邊啲係令政府尷尬嘅行業，例如有青年人製作惡搞政府官員、甚至國家領導人嘅應用程式，好多人鍾意下載，又賺到錢嘅，會否申請唔到撥款。

民政事務局署理常任秘書長羅志康就話，尷尬係以常識判斷，青年嘅計劃會交畀非政府機構審核，計劃如果涉及煙草、賭博、鼓吹暴力、恐怖主義、色情、意識不良、歧視、非法活動就唔會獲批，但係就唔會涉及政治審查。

建制派議員葉國謙話，如果呢啲創意計劃係惡搞中央或特區政府，佢會否決。佢認為基金應該支持正面嘅計劃，要有「正氣」，質疑教壞青年、教壞啲細路哥掟嘢，係咪正面嘅創意？委員會最後都通過呢項撥款建議。