「個公園又唔係大,得嗰幾樣嘢玩,但係冇啦啦多咗條鐵鏈鎖住咗一邊,都唔知係維修定點,又唔見有人整,唔知係邊個鎖住佢。」李太指馬鞍山利安邨近利華樓兒童遊樂場有部分設施被無故圍封逾月,現場亦無張貼告示解釋有關措施,「條邨咁多小朋友,但公園又唔多,如果係壞嘅就快啲整好佢啦。」

馬鞍山利安邨有遊樂場設施被封逾月。

房署發言人表示,由於聘用的獨立安全顧問於四月下旬到邨內四個遊樂場進行設施勘察時,發現部分遊樂設施需提升安全性,以符合最新安全標準,屋邨物業服務辦事處遂於五月初圍封上址及其他樓宇的個別遊樂設施,但邨內其他遊樂設施仍可供居民使用。

發言人稱,因訂購組件及安排進行工程需時,有關設施仍未解封,辦事處已加緊跟進。

第一手消息請下載on.cc東網iPhone/iPad/Android/Windows Phone Apps