早前有消息指「玩具大王」蔡志明嘅新抱汪圓圓再度有喜,不過由於未過傳統嘅三個月時間,因此圓圓只係話冇回應,但就冇否認。近日未見蹤影嘅佢,日前低調到奶奶蔡李惠莉旗下嘅幼稚園畢業禮,穿上粉紅色裙子配白色外套嘅圓圓,驟眼睇嚟肥胖咗唔少,加上佢着平底鞋嘅造型,令佢孕味好濃呢!圓圓同老公蔡加讚都好喜歡小朋友,生多個B,囡囡就多個伴啦!

汪圓圓(左二)同老爺蔡志明及奶奶蔡李惠莉(右一、二)一齊出席幼稚園畢業禮。

第一手消息請下載on.cc東網iPhone/iPad/Android/Windows Phone Apps