富商鄭躬明同太太Qinnie陳君宜尋日一齊出席活動,誕下囝囝四個半月嘅Qinnie雖然尚未收身,但穿上露臍裝亮相,佢透露囝囝個名叫鄭嵐升,英文名Ayden,係專誠搵堪輿學家幫囝囝改嘅。問到生B後係咪減少出席公開活動?佢話:「忙湊仔,唔想掉低佢,因為見佢有反應,我一出門就扁嘴,所以更加唔捨得出街。」

鄭躬明同陳君宜尋日一齊出席公開活動,仲透露依家忙於湊仔。

問到有冇為囝囝搞百日宴時,佢話冇,自言好懶,同埋覺得囝囝年幼都唔知係乜嘢一回事「佢咁細個都唔知,搞百日宴即係搵我嚟搞。」

第一手消息請下載on.cc東網iPhone/iPad/Android/Windows Phone Apps