愛港之聲舉行新一屆就職典禮,連任主席嘅高達斌話部分泛民唔單止否決政改方案,就連政府推行惠民措施都出手阻撓,批評佢哋喺議會根本係多餘,未來兩場選舉要泛民「票債票償」,趕走「禍港議員」。佢事先張揚衝擊佢哋嘅選舉活動係基本動作,但唔願意透露行動細節,揚言要出「奇謀」,怕講咗泛民就會有準備。佢其後更話市民對泛民做過嘅事心中有數,「到時我哋唔做都會有人做」。

高達斌

同場有由愛港之聲顧問「升呢」為首席顧問嘅基本法委員會委員劉迺強,佢分析,泛民喺立法會財委會拉布「阻住地球轉」,浪費納稅人嘅金錢,相信泛民會擾攘至明年立法會選舉,希望攞多啲議席,長遠係要令到香港難以管治,狠批泛民唔係為咗香港好,有關行為冇任何積極意義。

第一手消息請下載on.cc東網iPhone/iPad/Android/Windows Phone Apps