政壇：唐貝詩孖實周美欣開生日P
名媛寇鴻萍嘅大女Lydia唐貝詩十號生日，連續三日慶生同一口氣切咗五個蛋糕，生日前夕先由女性好友喺名店嘅VIP房內為佢舉行小型生日派對，正日就同家人慶祝。
唐貝詩（右）同周美欣同年同月同日生日，夾埋一齊開生日會。
家人為唐貝詩（前）慶祝生日。
前晚佢同前港姐周美欣齊齊慶生，唔少圈中人都有出席，包括梁小冰、趙碩之、吳日言、龐景峰等，Lydia解釋：「我同周美欣係同年同月同日生日㗎，佢同我媽咪都係慧妍雅集成員，因為咁而認識，雖然我同佢只係識咗一年，但係我哋出世只係相差半個鐘，所以性格好似，大家一拍即合，好早已經話要一齊慶祝生日，我哋仲夾咗生日會上一齊着紅裙。」至於生日願望，今年進軍影壇嘅佢希望可以多接電影。
