有意大利品牌日前喺羅馬人民廣場舉行秋冬高級訂製時裝展。一向支持呢個品牌嘅銳思集團主席蔡一鳳亦獲邀請，同老公、亞視前高層盛品儒到當地參加一連三日嘅時裝展。

盛品儒（左）陪同老婆蔡一鳳一齊出席意大利品牌嘅高級訂製時裝展。

喺高級訂製時裝展上，蔡一鳳穿上價值約十二萬元該品牌嘅黑色透紗晚裝，配襯名貴嘅珠寶首飾同腕錶赴會。佢話：「第一眼見到條裙已經覺得好靚，條裙嘅星星、星球同月亮圖案，帶有少女元素。我亦好欣賞裙身嘅刺繡工藝，非常出色。」佢打趣話：「最重要只係背部比較sexy，但前面唔會太誇張，着起嚟啱啱貼身。」

活動令佢感驚喜嘅地方，除咗品牌帶嘉賓欣賞羅馬各種不為人知嘅奇景外，酒店、機票同接送都有全程安排，仲有專人為佢化妝、set頭，服務體貼周到。

第一手消息請下載on.cc東網iPhone/iPad/Android/Windows Phone Apps