政府希望立法會財務委員會喺今個立法會期休會前，可以通過創新及科技局嘅撥款申請，而財委會主席張宇人諮詢完班議員後，就決定喺下個星期加開二十八個小時會議，務求過晒同民生有關嘅撥款申請，再處理創科局嘅申請，而人民力量就提早喺尋日喺財委會「拉布」，阻撓審議創科局撥款。有資訊科技界背景、民建聯嘅EQ葛珮帆尋日就公布科技界聯署表示不滿同憤怒，批評代表業界嘅泛民議員Charles莫乃光唔支持加開會議審議，仲叫佢認真反省添！

科技界聯署批評代表業界嘅泛民議員莫乃光唔支持加開會議審議。

雖然Charles重申支持成立創科局，但佢作為泛民都叫唔郁啲激進泛民議員停止「拉布」，泛民角色模糊，又被業界批評佢嘅立場政治化，真係兩面不是人。如果業界支持成立創科局，作為業界代表係咪應該撐到底呢？

第一手消息請下載on.cc東網iPhone/iPad/Android/Windows Phone Apps