誰明老師心：我不想變「老油條」（二之二）

「唔好畀自己嘅經驗框死，每朝起身當自己係新人，咁先可以睇到多啲角度，以及自己嘅不足。」年紀已符合「老油條」，但教育熱誠仍然旺盛的前輩梁Sir說：「始終教育係一份對人嘅工作，就算遇到同一個問題，都會因為不同嘅個體而有分別。唔想做『老油條』就要避免經驗成為自己嘅框架，窒礙咗思考。」

阿sir，講就容易，如何才能做到？

「帶對眼返工囉！」梁sir大笑：「望多啲班細路，你就會記得你第一日入行為乜；亦會發現佢哋需要乜、改變咗啲乜。就算幾忙都要抽時間望下佢哋，每人望幾秒都好夠啦！」

阿sir好玄，但我好像有點明白了。因為有經驗，人們習慣不看就直接做事；因為太忙而沒有花時間看看做的是甚麼。當你覺得自己與「老油條」又走近一步時，看看學生，似乎就能懸崖勒馬。

「其實你識得驚，已經證明你有排都未變『老油條』啦。」阿sir又笑。