筲箕灣東大街行人路路面長出青苔，疑為冷氣機長期滴水所致。
「滴到啲路磚都生晒青苔，證明唔係一日半日嘅事，係咪要拖到生棵樹出嚟，食環署先至會做嘢？但可能到時佢哋又會話條路有樹唔關佢哋事！」余先生不時行經筲箕灣東大街，指附近一帶舊樓林立，冷氣機滴水問題普遍，近日又接連「中頭獎」，「咁啱滴中杯嘢飲，驚啲水污糟同有細菌，即刻送咗畀垃圾桶。」
食環署發言人證實，過去一年曾接獲兩宗相關投訴，接獲轉介後亦有派員巡查，發現涉事大廈有單位冷氣機滴水，遂向有關住戶發出「妨擾事故通知」，要求在指定限期內採取措施。發言人又指曾在涉事大廈張貼海報，提醒住客定期檢查及維修冷氣機。
余先生要求食環署加強巡查，長遠則應加強罰則，以收阻嚇之效，「吐痰就罰千五，反而無間斷咁滴水搞番掂就冇事，咁梗係等到畀人捉到先算啦！」
第一手消息請下載on.cc東網
