政壇：兜巴星陳漢儀：國泰水樣本失蹤 衞署助紂為虐

國泰航空十四架客機食水含大腸菌群風波愈演愈烈，身負監管之責嘅衞生署被揭有隱瞞公眾之嫌。該署公布三十九個食水樣本嘅檢測結果，但只交代咗其中三十五個，其餘四個樣本結果竟「被失蹤」！傳媒追問後署方先認四個失蹤樣本嚟自兩班涉事國泰客機，但拒絕交代更多資料，之後再擠牙膏式披露嗰四個樣本冇發現致病原，但又自爆原來其餘十二班涉事國泰客機嘅食水未完成化驗程序。被議員狠批犯咗不可原諒嘅錯誤，公眾被蒙在鼓裏。署長陳漢儀喺呢件事上可謂責無旁貸，助紂為虐，毒害市民，再唔出嚟交代清楚，恐怕難息民憤！