政壇：至叻星陳茂波： 搵地起樓遇阻力 增溝通免雙輸

家陣香港上樓難，皆因「萬缺地為首」。發展局局長「波波」陳茂波早前話，當局搵到一百五十幅有房屋發展潛力嘅土地，其中六十一幅已向城規會申請咗改劃，有二十四幅已完成埋改劃程序添！但佢又呻依家改劃土地遇到地區阻力，尤其撞正今明兩選舉年，地區人士實冇咁易話為。雖然當局出盡力搵地起屋，但都唔可以盲搶地，點都要顧及地區需要，所以波波唔可以一味卸責賴地區阻力，否則只會雞同鴨講變「雙輸」，唔該佢諗多幾步、同地區多啲溝通，咁先有望解決土地問題o架。