政壇：水哥慈善跑出錢出「面」
人稱「水哥」嘅恒生銀行傳訊及可持續發展總監Walter張樹槐，甘願劃花塊面去籌錢。因乜事？關苗圃嘅事。眾所周知水哥係跑得之人，跑過五十個馬拉松，仲係首個跑完珠峰馬拉松嘅香港人。
張樹槐
水哥今次係幫「苗圃越野馬拉松」籌款，亦係佢第二次做「苗圃挑戰12小時慈善越野馬拉松」嘅挑戰大使。今次唔止水哥一個跑，佢仲發晒英雄帖向同事挑機，邊位？就係恒生中國同事楊子江、恒生IT部門嘅Alex同埋佢嘅行政助理Pauline。
佢今次唔單止「畀錢」，仲「畀面」，事關佢交埋塊面出嚟，畀化妝師畫上「CH 12Hrs」嚟拍呢次嘅「畀面．挑戰」宣傳短片。聽講，接受「畀面．挑戰」嘅，仲有藝人江美儀、張繼聰同埋蔡瀚億（Baby John）添！
