城中鏡：粵曲獻長者 蔡加讚感動

「玩具大王」蔡志明孻仔Karson蔡加讚尋日出席自己有份創辦嘅慈善團體義工服務日，該慈善團體喺上年成立，主力幫助老人家同低收入家庭，而團體剛好踏入一周年，佢話：「尋日去派牛奶，因為搵過調查公司發現，原來低收入家庭小朋友經濟環境唔許可，好少機會飲牛奶，所以會連續派兩個月，每日兩盒。今次就針對老人家，請老人家食飯同派福袋，大約有五百人，好有意義」問到參與慈善工作有冇邊刻最感動？佢話：「好多，其中去一間老人院，我去唱歌，但唔識唱，但佢哋依然拍手掌。」追問佢唱乜歌，佢話：「粵曲！」