SUN焦點：賣卡資料如同呃銀行

出售身份證副本、銀行戶口、地址證明等個人資料，供不法分子向財務公司借貸，律師黃國桐指這種行為如同詐騙：「借錢時立心不良唔打算還錢，咁即係詐騙，就算只係提供資料，都同樣有罪。」

對於不法分子以五百元向他人收購信用卡資料，大律師陸偉雄表示，出售信用卡資料予他人作不法用途亦涉詐騙。他解釋：「銀行批張卡畀你係作個人用途，你將資料賣出去，即係呃銀行。」

另外，出賣個人資料者後果嚴重，陸指出：「如果出賣個人資料者係貸款申請人，財務公司會向佢追討欠債，詐騙集團反而可以置身事外，所以提交個人資料者唔單止會遭到刑事檢控，仲要承擔債項，得不償失。」