話說喺立法會早前辯論政改方案期間，進出口界議員「象哥」黃定光被人影到用手機欣賞金髮美女嘅影片，片中嘅美女仲喺桌球枱上擺出多個性感甫士，非常誘人。象哥事發後，澄清話該片係朋友傳來，唔係色情影片，純粹係教人打桌球嘅技巧，仲話太太（工聯會會長林淑儀）唔介意添！我哋早幾日見到林淑儀，當然要問吓佢係咪咁「開通」啦，佢就話已經提醒象哥開會時唔好掛住玩手機，要專心啲開會喎。

林淑儀提醒老公黃定光喺開會時，唔好掛住玩手機睇片。

黃定光早前開會被人影到用手機欣賞金髮美女教打桌球嘅影片，惹來爭議。（資料圖片）

（資料圖片）

建制派WhatsApp訊息外洩，亦搞到人心惶惶，林淑儀就話自己好少玩WhatsApp，同象哥都係簡單對話，例如問象哥返唔返屋企食飯、會唔會開車經過接埋佢等。佢又話手機唔會裝好多通訊程式，一般只會用嚟打電話同記低開會時間，所以唔會咁易出事。另外，暑假已到，好多人都會去旅行放鬆心情，點知林淑儀斬釘截鐵話唔會同象哥去旅行，唔通真係嬲象哥睇艷女？林解釋，工會唔係學校，唔會放暑假，所以象哥放假，唔等於佢放假喎。

第一手消息請下載on.cc東網iPhone/iPad/Android/Windows Phone Apps