為時七十九日嘅佔領行動喺舊年年底結束，再加上政改方案被泛民主派否決之後，民陣尋日舉行嘅首個七一遊行，但參加人數只得幾萬人，係近年最少人嘅一次，可能同冇乜遊行議題有關係。不過，佔領中環發起人之一嘅戴耀廷就話，今年嘅遊行人數已經比佢預期更多。

咁講法，莫非佢早就已經估計今日冇乜人會去參加遊行？佢話市民現時希望能夠有空間去想想未來爭取民主嘅方向喎。

咁又係，政改方案遭否決之後，無論泛民或建制嘅民望都大插水，其中泛民評分跌得最勁，話唔定年底區議會選舉同明年立法會選舉，市民要泛民就否決政改方案票債票償都未定。

第一手消息請下載on.cc東網iPhone/iPad/Android/Windows Phone Apps