太子珠寶鐘錶主席鄧鉅明同太太鄧宣宏雁尋晚出席一個慈善晚宴，對於做慈善，鄧鉅明直言係時刻都會做善事，「每日笑令周圍的人開心，已經係善事，老婆仲成日話我傻。如果遇到激氣嘅事就唔去諗佢，負能量變正能量，唱吓歌咁。雖然我唔識跳舞、但我覺得唱歌跳舞可以忘記煩惱，我好鍾意睇演唱會，之前睇音樂劇《仙樂飄飄處處聞》，仲睇兩次，原本諗住同我老婆睇，囝囝又想睇，因為得兩張飛同囝囝睇，所以之後再買飛同老婆睇。」佢又話《仙樂飄飄處處聞》嘅歌曲耳熟能詳，細個時就有睇嘞！

鄧鉅明（左）話之後會同太太鄧宣宏雁（右）補睇音樂劇。

至於近期嘅演唱會，原來佢都有留意，仲透露有睇顧家輝音樂會，連李克勤、容祖兒、林子祥、單紫寧嘅演唱會都會睇。

第一手消息請下載on.cc東網iPhone/iPad/Android/Windows Phone Apps