自從建制派有人洩露手機即時通訊程式WhatsApp對話內容，唔少泛民議員都開始改用較為保密嘅App，例如可以設定閱讀訊息時限嘅Telegram。我哋就發現，身為立法會資訊科技界議員Charles莫乃光尋日都啟用咗Telegram，唔通佢都覺得安全為上？

莫乃光話比較敏感嘅訊息都唔會放喺泛民議員群組。

Charles就話自己其中一個電話號碼已經用緊Telegram，依家只係因應多咗人用，所以另一個電話號碼都啟用呢個程式。咁Telegram係咪安全啲？佢就坦言同WhatsApp一樣咁安全，今次洩密係因為有人故意漏出訊息，就算用Telegram都可以洩密，所以比較敏感訊息，都唔會放喺泛民議員群組，又話泛民議員依家仲未打算改用Telegram溝通喎。

第一手消息請下載on.cc東網iPhone/iPad/Android/Windows Phone Apps