政改表決甩轆事件搞到建制派亂晒龍？話說立法會尋日傍晚辯論由法律界議員郭榮鏗提出嘅「一國兩制」的實踐與延續動議。本身係經民聯成員嘅金融服務界議員「肥老闆」張華峰喺晚上發言時，兩次將提出修正案嘅建仔議員葉國謙，錯讀成葉國謙嘅孿生細佬、已於前年病逝嘅油尖旺區會前副主席葉國忠，而且一直無人指正。肥老闆話︰「我發言支持葉國忠……葉國忠議員同廖長江議員嘅修正案。」

肥老闆喺發言中狠斥泛民主派企圖將「兩制」凌駕於「一國」之上，挑撥離間，破壞香港市民同中央嘅關係，更令香港人二○一七年普選特首夢碎。

第一手消息請下載on.cc東網iPhone/iPad/Android/Windows Phone Apps