政壇：肥佬黎密會李漢奸又諗攪局
壹傳媒集團前主席「肥佬黎」黎智英喺政改方案表決前後，至少兩次同外號「李漢奸」嘅民主黨創黨主席李柱銘密會，包括尋日一次密會除咗佢哋兩人，仲有外號「AV仁」嘅民主黨前主席何俊仁，及喺「民主阿婆」前政務司司長陳方安生旗下嘅「香港2020」做研究總監嘅李永達，十分耐人尋味。
李柱銘（左）離開時一臉愁爆，李永達（右）亦有份出席密會。
黎智英喺寓所密會何俊仁（右後）等三人。
肥佬黎喺上周四政改表決前一日，喺何文田寓所密會李漢奸同天主教香港教區前主教陳日君等人，肥佬黎尋日又再喺寓所搞神秘聚會。
現場所見李漢奸等三人來去都神神秘秘，首先三人於晚上約七時同乘坐拉密窗簾嘅私家車抵肥佬黎寓所，事隔約兩個半小時，即晚上九時三十分，李漢奸等三人再乘車離開。其中李漢奸坐喺司機位置嘅後面，未知因何一臉愁爆，AV仁則獨自坐喺私家車嘅後排座位。適逢有泛民議員日前退黨兼辭去立會議席，遲啲會有補選，唔知佢哋係咪又想密謀攪局呢？
