太平洋恩利副主席黃裕翔識飲識食，佢話自己咩魚都食，但係最鍾意食銀鱈魚，為咗一嘗美食，佢更嘗試親釣深海銀鱈魚。
黃裕翔講起美食就興奮。
黃裕翔話，銀鱈魚肉質鮮味，又有油分，加上喺深海生活，營養價值豐富。呢款魚不但好食，仲好易煮，只要煎同焗，即使懶啲睇火都唔易燶。佢曾經釣過喺一點五至二公里深海嘅銀鱈魚，點樣釣呢？佢話，個秘訣就係用新鮮魷魚引魚上釣，上釣之後扯番條魚上嚟，銀鱈魚仲好有生命力o架！
