政壇：李達三捐一億撐中大中醫

中大為此亦成立以李達三同太太葉耀珍為名嘅中醫藥研究發展中心，中大校長沈祖堯好開心，更親筆寫咗幅書法，回贈李氏伉儷支持中醫研究嘅善舉。

沈校長親筆書法回贈

中大會用呢筆捐款設立常設基金同獎學金鼓勵家庭有困難嘅學生，及促進中大同上海復旦、寧波嘅大專學院交流等。沈校長話，李博士屢次慷慨捐款資助學生獎助學金及中大教研發展，為香港中醫院發展出一分力，李達三就話，佢好高興有機會同中大再次攜手合作，希望自己盡嘅一點心、獻嘅一分力，可以對中醫藥研究發展有推動作用。

活動上，沈校長親筆寫嗰幅書法好搶眼，習醫且讀番書嘅沈校長一手書法鐵畫銀鈎，足見沈校長國學根柢一樣唔嘢小。