香港青年聯會（青聯）日前舉行周年大會，常務副主席范駿華將喺七月正式接棒成為新主席，現任主席霍啟剛則會功成身退。至於副主席吳傑莊同副司庫霍啟山就齊齊升呢，前者變成常務副主席，後者升任常務副秘書長。而今年最矚目嘅相信係新鴻基地產執行董事郭基煇同觀瀾湖集團副主席朱鼎耀由顧問團進身會董會副主席，意味會落手落腳搞青年工作。

顏明潤（右）話香港小孩玩樂時間太少，身旁為妹妹顏明秀。

范駿華（右）將於七月接替霍啟剛（中）成為青聯新主席，吳傑莊（左）則升呢做常務副主席。

李美辰（右起）同老公蔡德昇及黃夢瑩會喺新一屆青聯繼續効力。

至於秘書長顏明潤同司庫蔡德昇亦會同時進身副主席行列。見唔少家長本月都忙於督促子女加緊溫功課，甚至要放「侍考假」化身書僮陪子女一起應付考試，但有兩個囝囝嘅顏明潤就非常自在。原來佢唔希望因為督促小朋友讀書搞到親子關係變差，加上返學壓力咁大，放假應該去玩輕鬆吓。

黃夢瑩同仔女齊溫書

不過，顧問黃英豪嘅做法就相反，佢話由細到大都訓練子女溫書要專注，包括一定要熄晒啲手提電話，所以佢幾個小朋友成績都唔錯。會董李美辰就話仔女就讀嘅學校測驗考試唔多，唔使佢太過操心；副主席黃夢瑩就笑言，係小朋友陪番佢讀書至真，事關佢不時進修，有仔女在旁一同努力特別有學習氣氛。

第一手消息請下載on.cc東網iPhone/iPad/Android/Windows Phone Apps