政壇：建制 泛民搭膊頭做老友

【互聯網】其實政改方案被否決並唔令人意外，但落得如此「離場」得八票支持嘅結果，相信都係意料之外，無論建制派或泛民主派都嚟唔切反應。政改大戰兩日後，我哋就發現建制同泛民議員竟然搭晒膊頭，真係咁大變化？話說尋日朝早喺香港迪士尼樂園舉行2015奧運歡樂跑，一班立法會議員都有參加，我哋就發現有份參加嘅民政事務局政治助理徐英偉事後上載到社交網站嘅相片，一班建制派議員竟然搭晒膊頭同泛民會計界議員梁繼昌影相，體育果真係無分敵我、無分政見。