城中鏡：哈永安為囝囝樂做怪獸
鹹蛋超人係好多人嘅童年回憶，亞洲國際博覽館行政總裁哈永安（Allen）都唔例外，佢話同兩個仔都係睇超人卡通片長大嘅，囝囝細個嗰陣最鍾意玩「超人打怪獸」，佢就成日要化身做怪獸，仲要畀兩個超人仔聯手擊退，唔知兩個仔打得佢勁唔勁呢？不過，有時兩個仔都會變身做超人太郎，令Allen變成「超人爸爸」，喺背後默默支持囝囝，有需要嘅時候仲會拔刀相助，全家總動員守衞地球！
哈永安投訴經常畀囝囝當怪獸。（資料圖片）
Allen又話，做爸爸嘅責任唔細得過做超人，所以每日放工返屋企之後，都會抽時間陪兩個仔，仲會要個仔帶佢去旅行，訓練佢哋獨立思考喎，睇嚟做人爸爸真係唔容易喎。
