政壇：內地電動鐵騎遠攻外國

佢哋間公司被內地普遍看好，更被譽為繼五年前嘅小米科技之後，另一間可以顛覆整個行業嘅明星初創企業。牛電科技聯合創始人胡依林話，小牛電動N1日前首日在京東進行眾籌，四分三十八秒就完成籌款五百萬元人民幣嘅目標，十四分鐘突破千萬，五小時五十分就突破咗三千萬元。

家陣公司計劃喺十一月份進軍歐洲市場，訂價會在一千二百至一千五百歐元之間。至於內地售價，則分為城市版和動力版兩個，較海外版便宜得多。架類似綿羊嘅電車有乜咁巴閉呢？原來佢係採用松下170節2600mAh大容量鋰電池組，可使最大續航里程達到一百公里，鋰電池壽命長達五年。