「啲水好似去唔到咁，次次落完雨就成條行人路邊都係水，要等到出太陽先慢慢曬番乾，後生仔女就話可以檻過去啫，啲老人家就焗住踩水行，搞到成腳都濕晒。」灣仔居民李先生指出，灣仔道街市一帶疑因渠道淤塞，每逢天雨後，積水皆久久未能排去，嚴重影響環境衞生，「積水係蚊蟲同細菌溫床，唔好拖到有人病先去處理！」

灣仔道行人路被指每逢天雨後皆有積水，經轉介後集水溝已完成清理。

渠務署發言人指出，接獲轉介後翌日已派員實地視察，發現淤塞渠道為涉事路段附近的馬路集水溝，並非由該署管理，已隨即轉介至相關部門跟進，據悉清理工作亦已告完成。

李先生直指涉事地點渠道經常淤塞，擔心疏通不久後情況即打回原形，要求主理部門多加巡查，「始終呢度係街市，會多啲垃圾塞住個渠位，如果唔主動啲嚟巡嘅話，應該隔幾日又再塞過。」

第一手消息請下載on.cc東網iPhone/iPad/Android/Windows Phone Apps