融創尋日為旗下位於北京三環嘅新盤「北京壹號院」搞發布會，公司形容係頂豪豪宅，即係豪宅中嘅豪宅，每套總價介乎四千萬元（人民幣，下同）至七千萬元，最貴嗰套戶型每平方米要四十萬元。不過，問到公司主席孫宏斌會唔會留番套畀自己，佢就話「我也想買，但太貴了！」咁咪即係倒自己米？

對於融創最終放棄收購佳兆業，孫宏斌話持平常心看待。

雖然融創最近併購都唔成功，但孫總心情仍然很好，問到公司多咗錢有乜打算？佢竟然話「吃好點！」對於融創最終放棄收購佳兆業，孫總話持平常心看待，強調併購很複雜，涉及政府及監管機構，做生意沒有成敗可言，交易做不成是正常的，「不需要後悔。」就如當初沒提出併購綠城，就買唔到融綠合營公司嘅項目，強調只係各取所需。

第一手消息請下載on.cc東網iPhone/iPad/Android/Windows Phone Apps