信置旗下嘅將軍澳新盤尋日首次發售，喺呢個咁重要嘅日子，主席黃志祥三個仔，包括執行董事黃永光、主席行政助理黃永龍同項目助理黃永耀一齊現身售樓處撐場，最受人注目嘅係三兄弟同埋人稱「田少」嘅信置營業部聯席董事田兆源，一齊打紅色呔，同時舉起黃志祥一貫嘅手指公「無得頂」手勢，相信係寓意今次賣樓賣個滿堂紅，買信置樓一定掂。
左起：田兆源、黃永光、黃永龍同黃永耀打紅呔、舉手指公，撐新盤開售。
