政壇：茶餐廳短片揚名國際賽

乜嘢本土特色能令外國人着迷？香港嘅特色茶餐廳文化就係其中之一。來自英國嘅城市大學留學生Tian季麥天夥拍中學同學Adrian盧俊廷，拍攝一段約四分鐘嘅茶餐廳紀錄短片，參與一項國際比賽，結果喺過百參與影片中脫穎而出，進入最後十強，將有機會喺米蘭世博會場內播放。

盧俊廷（右）同季麥天拍攝嘅茶餐廳文化短片脫穎而出。

Tian係中英混血兒，經常嚟香港，但每次訪港都會發現四周環境有好大變化。所以早前佢同Adrian喺北角一間茶餐廳敍舊時，靈機一動，決定參加該項比賽，希望透過訪問茶餐廳大廚及食客，將香港咁有特色嘅文化推介出去。Tian仲話香港飲食文化同西方最大嘅唔同，就係港人總喜歡一班人圍埋一齊進食。

至於喺片中負責背景音樂嘅Adrian就話，今次係兩人首次合作拍紀錄短片，估唔到會咁受肯定，所以下一步計劃到日本拍攝陶瓷工藝嘅製作。