葵涌：雜物阻巴士站 食署應取締
「馬路同行人路都擺到一堆二堆，紙皮箱呀、卡板呀咁，仲有啲發泡膠盒疊到人咁高，但都唔見政府部門有人嚟理吓！」居於葵涌的張先生指出，石蔭路有生果店及蔬菜店經常佔用公眾地方擺放雜物，加上鄰近為北葵涌街市巴士站，不時阻礙巴士埋站。
公眾地方被佔用擺放大量雜物，被指影響環境衞生。
食環署發言人證實，派員巡查發現上址有雜物，有關物品屬附近店舖，經警告後店舖負責人已移除物品，該署亦已安排潔淨服務承辦商清掃行人路。發言人又說，職員覆查時未發現該處有雜物，但會繼續留意上址情況及採取適當行動。警方發言人則稱，已派員聯同食環署職員加強巡查及採取票控行動，警方會繼續留意上址的路面阻塞情況並執法。
張先生要求食環署與警方正視問題，加強執法並取締違法行為。「嗰度雜物阻街嘅問題已經唔係今時今日先至出現，希望政府部門唔好踢一踢先郁一郁！」
