新蒲崗：空地違泊堵路 警執法不力
違泊問題遍布全港，於新蒲崗工廠區工作的文先生直指區內違泊問題一直嚴重，其中四美街與彩頤里交界處有一小小空地，常遭貨車及私家車佔據，有時違泊車輛更會阻礙其他大型車輛駛過，「嗰個空位雖然車係唔可以駛過，但唔代表可以咁泊車，根本就變成個免費停車場一樣！」
車輛佔據路面，儼如私人停車場。
警方發言人指出，黃大仙警區一直關注區內交通違例問題，前線人員會按照實際情況執法。過去一年曾接獲八十五宗相關投訴，並發出約八百六十張違例泊車定額罰款告票。發言人強調會繼續留意上址情況和加強巡查，如發現有交通違規事項，會採取適當執法行動，以確保道路安全及暢順。
「實際情況係日日啲車都係咁泊，好多時都搞到塞死晒，抄咗八百張牛肉乾都係咁，好明顯唔夠阻嚇力，同埋嗰度應該畀緊急車行，真係唔可以咁泊！」文先生要求警方加強巡查及檢控，從而增加阻嚇力。
