城中鏡：趙式和搞藝展老公撐場
名媛Jane趙式和前晚出席自己有份籌辦嘅藝術聯展，老公李承康特意到場支持。Jane透露喺一年內舉辦咗接近十個展覽，非常忙碌，佢話：「下星期會再飛，分別去倫敦、瑞士、法國同紐約。邊玩邊做嘢，大約去六個星期，七月先會返香港，希望可以發掘更多有潛質嘅藝術家。」
李承康（右）特登到場撐老婆趙式和搞嘅展覽。
佢家姐趙式明早前剛誕下兒子，問到姨甥仔係咪已改咗名？Jane話：「佢哋好好，我成日都會見到佢（姨甥仔），名就改好咗，不過你哋（指記者）下次見到家姐時再問佢啦！有搞百日宴，不過其實都係簡單食餐飯，兩家人一齊食。」
