政壇：銀行女強人赴星洲扒龍舟

今個星期六就係端午節，出晒名係銀行界龍舟健兒嘅星展女賓架Janet莊希當然要熱定身喇！

Janet（右）同David（左）每星期都去赤柱練龍舟，仲有額外嘅體能練習。

唔講唔知，Janet扒龍舟已經有六年經驗，喺啱啱五月底同六月初，仲同埋星展另一位高層、香港及中國內地科技及營運總監林大衛（David Lynch）帶埋成班同事去母行總部新加坡，參加當地嘅龍舟比賽，成績仲相當之唔錯o架！男子組拎第一之餘，男女混合賽都有季軍。

Janet唔止扒龍舟犀利，事業上更加巾幗不讓鬚眉，剛剛就升任香港區零售銀行業務及財富管理營運總監，睇埋財富管理部門。另外，仲出任埋星展Staff Club主席一職，有潛力成為銀行界嘅武媚娘。