城中鏡：張宗琪潮玩網購冧VIP

網上購物近年熱爆，名人圈都有唔少「網購迷」。好似本地度身訂造男裝品牌詩閣（Ascot Chang）第二代張宗琪，都追上電子商貿熱潮，早年已搞網購，可惜失敗收場。

張宗琪（右）同兒子張奕庭都追上潮流玩網購。

張宗琪分析話客人鍾意親自到店內度身訂造，好少貿然上網訂衫。經此一役，佢計劃捲土重來，專為VIP客人提供網購，方法係先記錄客人嘅身形尺寸，每次有新布料登場，就放上網供客人選購，聽落幾有諗頭。

至於佢個仔張奕庭就走得比爸爸更前，早已上網買衫褲鞋襪多年，專揀限量版款式，貪佢夠特別喎。