有「吳得掂」之稱嘅教育局局長吳克儉近年花公帑外訪,已為人詬病,仲成日喺立法會被一眾議員指摘亂使公帑,但唔少立法會議員都係只識話人,唔識話自己。立法會教育事務委員會就計劃喺九月下旬到德國同瑞士考察七日,目的係研究當地職業教育政策和推行經驗喎。

吳克儉

據教育事務委員會秘書發畀二十七個委員嘅立法會文件顯示,委員會將喺九月二十日至二十六日去德國同瑞士訪問,研究人哋嘅職業教育同培訓,點樣為年輕人提供有效升學或就業途徑,仲有研究政府、學界同商界等持份者喺職業教育方面擔當乜嘢角色,以及點樣協作,仲話順便了解當地幼稚園教育同融合教育添!初步估計,如果坐商務客位,每位議員開支約五萬元,若坐經濟客位則為二萬七千元。

吳得掂早前被議員批評佢自上任以來頻頻外訪,喺兩年半內,外訪次數超過二十次,使費多於三百六十萬元,變成「遊埠局長」。但係議員鬧人就大大聲,自己閂埋門,咪又係一樣浪費公帑。

第一手消息請下載on.cc東網iPhone/iPad/Android/Windows Phone Apps