深水埗：平台亂綁竹枝 路人心驚
「啲竹就咁用條索帶綁住都唔知穩唔穩陣，佢有啲竹仲要綁埋隔籬個招牌，萬一冧落嚟分分鐘會扯埋人哋個招牌！」關小姐早前行經深水埗黃竹街時，發現有大廈平台被人以索帶綑綁多支竹枝，部分竹枝更被當作旗幟以作宣傳。關指竹枝下方為行人過路處，平時有不少市民輪候過路，擔心竹枝一旦跌下會對行人造成危險。
深水埗黃竹街有大廈於平台僭建多支竹枝（箭嘴示）。
屋宇署發言人證實，派員巡查時發現上述平台有僭建物，已按《建築物條例》規定，向有關業主發出清拆命令，要求清拆有關僭建物，並會繼續跟進。
關小姐要求屋宇署加緊留意清拆情況，必要時應即時為業主清拆竹枝，以保障市民安全，「望屋宇署喺未有意外發生之前可以做咗嘢先，唔好令到我哋啲小市民擔驚受怕。」
