新沙士肆虐韓國，感染個案不斷增加，令港人外遊氣氛冷卻，但中華總商會永遠名譽會長蔡冠深嘅太太蔡關穎琴就話七月中會照常出門喎。
蔡關穎琴七月中將帶隊去天津出席世界博覽會。
大家唔使緊張，蔡太唔係去韓國，亦唔係去旅遊，而係帶隊去天津參加世界博覽會。由於今次世博以食物安全同綠色食品為題，佢老公做食品生意，當然要幫手睇吓新行情。眾所周知，天津炒栗子出名鬆化，好吸引。蔡太話，每次到天津都會狂掃幾斤返香港，而今次當然唔會例外啦。
