政壇：建行候任行長派片怕醜
近期建行有啲人事變動，行長張建國一職由中保監前副主任王祖繼接任，委任已通過董事會，但就仲未拎到銀監會批准。
王洪章話王祖繼喺建行嘅人工高過之前喺保監做。（資料圖片）
王祖繼（資料圖片）
不過，候任行長王祖繼已經急不及待要出嚟見人，趁建行股東大會首度登場，又大派新卡片，派嘅時候仲有啲怕醜咁補番句：「係有啲唔啱規矩。」
老實講，內地行長唔易做，大部分都跟從政府政策減咗人工，同其他國際金融機構嘅人工差一大截。建行董事長王洪章話，佢哋副行長以上嘅都減晒人工，但就笑笑口話佢自己減完都仲高過之前喺人行做，行長王袓繼喺建行嘅人工都高過之前喺保監會做喎。
