政壇：陳恒鑌每月半個爸爸日
嚟緊嘅禮拜日就係父親節，小朋友梗係想有爸爸陪，但做議員嘅仔女就未必咁幸福。立法會議員Ben陳恒鑌就話，佢個女依家五歲，成日要求爸爸由下晝到夜晚陪住，但囡囡自己都要返學，得星期六、日得閒，偏偏撞正係阿Ben落區嘅黃金時間，結果兩父女約定每個月，都會相處一個半晝時間，呢個咁珍貴嘅半晝，喺佢屋企就叫做「爸爸日」。
Ben戴住女兒親手畫嘅帽，囡囡話怕佢做嘢曬喎。
阿Ben話每逢「爸爸日」，太太就會一早通知女兒，等佢快快做好晒功課，預咗嗰日同爸爸玩。阿Ben講起個女就停唔到口，仲話囡囡嘅英文名Belle都係佢改嘅喎。個女咁得意，但係阿Ben就成日無時間陪佢玩，即使立法會休會都只敢全家去短線旅行，例如台灣，仲試過去大嶼山住一晚就叫去咗旅行喇！忙成咁，難怪阿Ben仲未敢生多個，怕照顧唔到喎。
