政壇：環團推平台助樓宇慳電

依家約有一千九百多幢樓宇按照《建築物能源效益條例》進行能源審核，但法例只係要求建築物十年先做一次審核，香港地球之友指審核時間過長，有關做法亦難以比較，所以推出一個綜合網上平台收集各建築物的能源使用，現時已有五十幢物業參加，其中十四幢建築物嘅能源使用指數減幅超過百分之六，達致金級水平。

香港地球之友話，按照機電工程署的能源數據顯示，空調佔香港全年總電量四成八，現時法例要求商用建築物每十年一次能源審核，需要喺樓宇大堂公開標示能源使用指數數據。為咗令公眾更容易比較，香港地球之友社區及企業夥伴總監劉祉鋒就話，機構最新提供一個網上平台讓物業管理人員隨時更新建築物能源使用數據，現時已有十四幢建築物嘅能源使用指數錄得百分六的減幅，期望機構喺公眾監察下更節能。