南韓新沙士疫情未退，食衞局局長Dr.高只發「旅遊健康建議」，詎料當局又忽然發出紅色外遊警示，處事咁求其，市民真係無所適從。
市民︰唔發又發，你快啲畀個解釋！
Dr.高︰決策嘅嘢太深，你啲小市民點都唔會明。
市民︰擺明就零溝通啦，仲扮嘢？
Dr.高︰溝通嘅嘢咁淺，你知我知，我就費事解釋啦。
市民︰咁即係點？
Dr.高︰我有我建議，佢有佢發警示，就係咁簡單。
市民︰咁兒戲，當小朋友玩泥沙？
Dr.高︰我哋點會玩泥沙呢？最多咪玩殘市民。
市民︰@#$$%%^
